Қарағандыда полиция көлігі апатқа ұшырады

Қарағандыда екі жүк көлігі мен полиция көлігі соқтығысқан. Жол аптаты жетінші айналма жолда орын алды, деп хабарлайды Bugin.kz порталы.

Полиция департаментінің ақпаратына сәйкес, жол апатынан патрульдік полиция инспекторы зардап шеккен. Оны жедел жәрдем ауруханаға жеткізді.

"Сағат 11.30-да үш көлік соғысып жол-көлік оқиғасы болды. Lada Vesta көлігі, "Фотон" манипуляторы және "Shansiman" жүк көлігі соқтығысты" , - делінген ПД хабарламасында.

Полиция қажетті сараптамалар тағайындады, оның қорытындысы бойынша процессуалдық шешім қабылданады.