Шаханов қазақ қызына үйленген шетелдік спортшыға бата берді

Аты аңызға айналған ақын Мұхтар Шаханов қазақ қызына үйленген бразилиялық спортшы Дуглас Пумаға батасын берді, деп хабарлайды Bugin.kz порталы NUR.KZ-ке сілтеп.

Шетелдік спортшы ерекше сәтті желіге жариялаған.

"Naiza" промоушенінде жұдырықтасатын Дуглас Пума әйгілі Мұхтар Шахановтан батасын алған видеосын Instagram-дағы парақшасында жария етті. Қазақ ақыны оның үйіне қонақ болып келген.

"Бүгін жұбайымның үйінде өткен мерекелік кеште мен Қазақстаннан шыққан аңыз ақын, легенда адам Мұхтар Шахановты көрдім. Ол кісімен сұхбаттасу мен үшін үлкен мақтаныш және қуаныш. Маған және менің әйеліме айтқан әрбір тілегіңізге, ниетіңізге алғыс білдіремін. Бұл кездесу мен үшін мақтаныш! Өмірімдегі барлық жақсы күндерім үшін Аллаға сансыз шүкіршіліктер айтамын. Аңыз адаммен бір естелік видео болсын. Мұхтар ағаның тілегі мен әзілін видеодан көре аласыздар", - деп жазды спортшы.