Семейде белгісіз жағдайда қайтыс болған ер адамның мәйіті табылды

Семей қаласында сауда орталығының жанынан ер адамның мәйіті табылды, деп хабарлайды Bugin.kz порталы.

 Құзырлы орган мәйітке қатысты тергеуді бастағанын хабарлады.

Әлеуметтік желіде тараған бейнеде ер адамның Цемент ауылы ауданындағы сауда үйінің жанында асфальтта жатқанын көруге болады. Бейресми жазбада мәйіттің Глинка көшесінде орналасқан сауда үйлерінің бірінің жанынан табылғаны жазылған.

"Алдын ала мәлімет бойынша, ер адам ауырып қалған. Полиция сотқа дейінгі тергеуді бастады, бірқатар сот-медициналық сараптамалар тағайындалды", - делінген облыстық полиция департаментінің баспасөз қызметі.