Дауыл, жел: 22 мамырда бірнеше өңірде ескерту жарияланды

22 мамырда ауа райына байланысты 14 өңірде ескерту жасалды, деп хабарлайды Bugin.kz порталы.

Қазгидромет мәліметінше, Шығыс Қазақстан облысының батысында, солтүстігінде, шығысында найзағай күтілуде. Жел оңтүстік-батыстан, батыстан соғады, күндіз облыстың солтүстігінде, шығысында 15-20 м/с. Облыстың солтүстік-батысында, оңтүстік-шығысында жоғары өрт қаупі сақталады.

Абай облысының солтүстігінде найзағай болады деп болжануда. Одан бөлек, аймақта жел соғып, өрт қаупі сақталады. 

Ал Қостанай облысының солтүстік жартысында найзағай, бұршақ күтіледі. 

Жамбыл облысының таулы аудандарында, күндіз оңтүстігінде найзағай ойнайды деп болжанса, оңтүстік-шығыстан соғатын жел солтүстік-батыс желіне ауысады, найзағай кезінде екпіні секундына 15-20 метрге жетеді.

Қарағанды облысында жел екпіні 15-20 м/с болады. Облыстың оңтүстігінде жоғары өрт қаупі сақталады.

Маңғыстау облысының батысында, орталығында тұман түсетіні айтылды.

Қызылорда облысының солтүстігінде, орталығында найзағай ойнайды. 

Ал Ақмола облысының батысында, солтүстігінде, шығысында найзағай күтіледі. 

Атырау облысының солтүстік-батысында жоғары өрт қаупі сақталады.

Батыс Қазақстан облысының солтүстігінде найзағай ойнайды. Облыстың батысында, оңтүстік-батысында жоғары өрт қаупі сақталады.

Солтүстік Қазақстан облысының шығысында, күндіз облыстың батысында, солтүстігінде, шығысында найзағай күтіледі. Одан бөлек 23 м/с жел соғатыны болжануда.

Түркістан облысының таулы және тау бөктерлі аудандарында найзағай, дауыл күтіледі. 

Шымкентте күннің екінші жартысында найзағай, дауыл күтіліп, жел екпіні 15-20 м/с болады.

Павлодар облысының шығысында оңтүстік-батыстан жел соғады, күші 15-20 м/с болады.