35 жыл бұрын болған оқиға қайталанды

Осы футбол маусымында бірден төрт ағылшын клубы еурокубоктердің жартылай финалында ойнайды. Чемпиондар Лигасындағы «Тоттенхэм Хотспур» және «Ливерпульдің» соңынан, Еуропа Лигасындағы үздік төрттіктің қатарына «Арсенал» мен «Челси» шықты.

Opta Sport - тың хабарлауынша, бұндай нәтиже ең соңғы рет 1983/84 жылдар маусымында орын алған. Ол кезде «Ливерпуль» Чемпиондар Кубогының жартылай финалына, «Манчестер Юнайтед» Кубок иегерлерінің Кубогының жартылай финалына, ал «Тоттенхэм Хотспур» мен «Ноттингем Форест» УЕФА Кубогының жартылай финалына шыққан болатын. Сол маусым қорытындысы бойынша, «Ливерпуль» мен «Тоттенхэм» аты аталған турнирлердің кубок иегерлері атанған.