Вандализм жасағандарға жаза күшейтіледі

Вандализм жасағандар 600 сағатқа дейін қоғамдық жұмысқа тартылады, - деп хабарлайды Bugin.kz порталы Қазақстан Ұлттық арнасына сілтеме жасап. 

Бүгін Мәжілісте вандализмге қатысты жауапкершілікті қатаңдату бойынша заң қабылданды. 

Жаңа заңдағы баптың екінші бөлігі бойынша 200-ден 500 айлық есептік көрсеткішке дейін айыппұл салу немесе түзеу жұмыстары, 300 сағаттан 600 сағатқа дейін қоғамдық жұмыстарға тарту немесе 3 жылға дейін бас бостандығын шектеу, не болмаса дәл сол мерзімге бас бостандығынан айыру жазасы қолданылмақ. 

Сонымен қатар енді белгіленбеген жерде коммуналдық қалдықтарды тастағаны үшін 10 айлық есептік көрсеткіште айыппұл салынады.