Полиция қазақстандықтарға ескерту жасады

Полиция қазақстандықтарға алаяқтықтың жаңа түрі туралы ескерту жасады, деп хабарлайды Bugin.kz порталы. 

Аляқтар хабарласып өздерін медицина мамандары ретінде таныстырады. Тек хабарласып қоймай, "Whatsapp"-қа хабарлама жазатындары да бар. 

Сізге диспансерлеу немесе флюорографиядан өтуді ұсынады. Ыңғайлы күнді таңдап, тіркелу үшін SMS-арқылы келген сандарды айтуды сұрайды.

"Ешқашан танымайтын, бөтен адамдарға кодты айтпаңыз! Алаяқтар қашықтан сіздің жеке кабинетіңізге кіріп, дербес деректерді ашу арқылы несие рәсімдей алады", - делінген полиция таратқан хабарламада.

Бұлар  бұрын көбіне банктің қауіпсіздік қызметкерлері немесе полиция қызметкерлері болып хабарласқан алаяқтар.

Осы хабарды жақындарыңызға, әсіресе, егде жастағы адамдарға айтып, ескерту жасаған дұрыс.