"Бимен айналысқан": спортшы Илья Ильин туралы сіз білмейтін қызық деректер

24 мамыр – төрт дүркін әлем чемпионы, қазақстандық ауыр атлет Илья Ильиннің дүниеге келген күні. Bugin.kz порталы спортшы туралы деректерді ұсынады:

- 1988 жылы 24 мамырда Қызылорда облысында туған. Анасы Галина Ильинаның сөзінше, салмағы 4 кг 100 грамм болып дүниеге келген.

- Есімін Илья деп үлкен атасының құрметіне қойған;

- Бала күнінен денесі мығым, шымыр боп өскен. Спорт залға 5-6 жасынан бастап барған. Алты жасынан бастап  Вилорий Пак жаттықтырған;

- 9 жасынан бастап түрлі жарысқа қатысқан;

- Он жасында ауыр атлетикадан жасөспірімдер арасында өткізілген сайыста “ең жас қатысушы” атанған;

- Бала кезінен жан-жақты болған, тіпті брейк биімен де айналысқан;

- Гандболшы Гүлзира Ысқақова және жеңіл атлет Юлья Пакпен бір сыныпта оқыған;

- “Ең жас әлем чемпионы” атағымен “Гиннес” рекордтар кітабына енген;

- 17 жасында қараша айында Катар мемлекетінің астанасы Дохада өткен әлем чемпионатында алғаш рет жеңіске жеткен;

- 2008 жылы Пекинде өткен Әлем чемпионатында жеңіске жеткені үшін берілген алғашқы сыйақысына, 100 мың долларға, Қызылордада жастарға спорттық алаң салып берген;

- 2011 жылы Франция астанасы Парижде өткен Әлем чемпионатында үш дүркін чемпион атанды;

- “Екі жұлдыз” жобасының бірінші маусымында Гуля Төлегеновамен бірге “20 лет спустя”, “Замыкая круг”, “Чебурашка”, “Алғашқы махаббат” әндерін орындаған;

- “Құрмет” , “Отан” ордендерінің иегері;

- Алматы және Қызылорда қалаларында Илья Ильин атындағы спорт зал ашылған.

                                Мәліметтер спортшының “Дара жол” бағдарламасына берген сұхбатынан алынды

                                 Материал авторы: Бану Әбдіғалиева