Bugin
Фото: depositphotos.com
Бүгін, 28 мамырда әртүрлі ауырлықтағы пышақ және оқ жарақаттарымен 9 науқас Ақтөбедегі көпсалалы облыстық ауруханаға жеткізілген. Бұл туралы Bugin.kz тілшісі “Диапазон” басылымына сілтеме жасап хабарлайды.
Облыстық аурухананың дәрігері Жасұлан Орынбаев:
"Түнгі сағат 2-де жас жігітті белгісіз біреулер клиникалық өлім жағдайында ауруханаға жеткізді. Ол дереу жансақтау бөліміне жатқызылды. Реанимациялық шаралар жүргізілді, бірақ нәтиже болмай, науқас қайтыс болды. Марқұм 18 жаста еді", - деді.
Жарақат алған 8 науқас 18-22 жас аралығындағы адамдар. Оларды ауруханаға полиция және жедел жәрдем қызметкрелрі алып келген.
Қылмысқа қатысты 4 күдіктіні ұстады. Олар уақытша ұстау изоляторына қамалды. Адам өлтіру және бұзақылық фактілері бойынша сотқа дейінгі тергеу амалдары басталды.
Полиция департаментінің баспасөз қызметінің хабарламасында:
"Қылмыстық тергеп-тексеру барысы Ақтөбе облыстық полиция департаменті бастығының жеке бақылауында", - делінген.
Балерке ӘСІЛХАН
Қосымшаны жүктеп алыңыз
