31 мамыр: қай өңірде ауа райы өзгереді?

Еліміздің 13 өңірінде ауа райына байланысты ескерту жасалды, деп хабарлайды Bugin.kz порталы.

Қазгидромет мәліметінше, Ұлытау облысында 31 мамыр күні найзағай соғуы мүмкін. 

Ал Қарағанды облысының батысында, солтүстігінде, шығысында, Қарағанды қаласында найзағай ойнап, тұман болуы мүмкін.

Атырау облысында жел соғады. Күндіз облыстың оңтүстік-шығысында 36 градусқа дейін қатты ыстық күтіліп отыр.

Батыс Қазақстанда найзағай ойнап, жел соғады. Ал Оралда өрт қаупі сақталады.

Маңғыстау облысы мен Жетісу облысында өрт қаупі сақталады.

Ақтөбе облысында найзағай ойнап, жоғары өрт қаупі сақталады.

Шығыс Қазақстан облысында найзағай ойнап, бұршақ жаууы мүмкін. 

Абай облысының орталығында найзағай ойнайды. Оңтүстік-батыстан соғатын жел солтүстік-батысқа ауысады, облыстың солтүстігінде, оңтүстігінде, орталығында 15-20 м/с.

Солтүстік Қазақстан облысының оңтүстігінде тұман күтіледі. Түнде облыста 3 градус үсік күтіледі. 

Қызылорда облысының шығысында төтенше өрт қаупі, облыстың орталығында жоғары өрт қаупі сақталуда.

Ақмола облысының солтүстігі мен батысында тұман күтіледі.