Астанада құрылысшы биіктен құлап қаза болды

Елордадағы құрылыс алаңында қайғылы оқиға болды. Әлеуметтік желіде ер адамның биіктен құлаған видеосы тарады, - деп хабарлайды Bugin.kz порталы tengrinews-ке сілтеме жасап.

Видео авторының айтуынша, оның терезелері құрылыс алаңына қарайды.

"Бүгін таңертең көңіл-күйім жақсы еді, кофе ішіп, құрылыс алаңына қарап отырдым. Үстелде отырғанда кран көрінді. Көз алдымда краншы құлап кетті, жедел жәрдем келді, адамдар жиналды. Мұндай қайғылы қазаны көрмегенмін", - дейді ол.

Астана полиция департаменті өкілдері қайғылы оқиғаны растап, жағдайға қатысты пікір білдірді.

"Краншы мұнара кранынан түсіп жатқанда биіктен құлап, алған жарақатынан қаза болды. Бұл дерек бойынша "Абайсызда адам өлімімен аяқталған құрылыс жұмыстарын жүргізу кезінде қауіпсіздік ережелерін бұзу" бабы бойынша қылмыстық іс қозғалды. Тергеу жүргізіліп жатыр, ҚР Қылмыстық-процестік кодексінің 201-бабына сәйкес қажетті сараптамалар тағайындалды. Басқа мәліметтерді жария етілмейді", - деп хабарлады баспасөз қызметі өкілдері.