Тоқаев балаларды қорғау күнімен құттықтады

Мемлекет басшысы бүлдіршіндерді Халықаралық балаларды қорғау күнімен құттықтады, - деп хабарлайды Bugin.kz порталы.

Қасым-Жомарт Тоқаев еліміздегі әрбір жеткіншектің мейірім мен қамқорлыққа бөленіп, үлкеннің қолдауын сезінуі, ертеңгі күнге сеніммен қарауы өте маңызды екенін атап өтті.

"Баршаңызды Халықаралық балаларды қорғау күнімен құттықтаймын! Жарқын жаз өскелең ұрпаққа қамқорлықтың символына айналған осы мерекеден басталады. Ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы саналады. Балалар – біздің болашағымыз. Барлық бала ата-анасы мен жақындарын оқудағы, шығармашылық саладағы және спорттағы жетістіктерімен, жақсылық пен жасампаздыққа ұмтылысымен қуанта берсін! Баршаңызға зор денсаулық, бақ-береке, толайым табыс тілеймін!",- деді Президент.

Еске салайық, бұған дейін маусымда ауа райы қандай болатынын хабарлаған едік.