Құлыбаевтың мұнай терминалы мемлекетке қайтарылды

Кәсіпкер Тимур Құлыбаевтың әкесі Асқар Құлыбаевтың мұнай терминалы мемлекет меншігіне қайтарылды, - деп хабарлайды Bugin.kz порталы прокуратураға сілтеме жасап.

Алматы қаласы прокурорының талап-арызы бойынша, Ақтау халықаралық теңіз сауда портында орналасқан, құны 66 миллион АҚШ доллары болатын, ал ауданы 134 гектар мұнай терминалы мемлекет меншігіне қайтарылды.

"Талап-арыз Асқар Құлыбаевқа тиесілі компанияның шетелдік инвестордың меншігін заңсыз алып қоюы нәтижесінде келтірілген залалды өтеу мақсатында берілген. Анықталғандай, 2011 жылы мұнай терминалы Құлыбаев компаниясының меншігіне алынған", - делінген хабарламада.

2024 жылдың 26 ақпанында Маңғыстау облысы Мамандандырылған ауданаралық экономикалық сотының шешімімен Алматы қаласы прокурорының талап-арызы қанағаттандырылды, мұнай терминалы мемлекет меншігіне қайтарылды, сот актісі заңды күшіне енді.