Мектепте он жастағы оқушы жұмбақ жағдайда қайтыс болды

Он жастағы оқушы мектепке сау кетіп, өлі күйінде оралды, деп хабарлайды Bugin.kz порталы "Көреміз" бағдарламасына сілтеме жасап.

Өзге де жаңалықтарды Telegram арнамыздан оқи аласыз.

Жаға ұстатарлық жағдай Алматы іргесіндегі Қошмамбет ауылында болған.

Мектепке ауырмай кеткен, бойында дерті болмаған жасөспірімнің неден қайтыс болғаны жұмбақ күйінде қалған.

Сабақ үстінде "ішім ауырды" деп құлаған қыз сәлден кейін есін жоғалтқан соң жан тапсырған. Мектеп әкімшілігі қыздың өліміне себепкер деп жедел жәрдемді кінәлайды.

"Апайы хабарласты. "Тез жетпесеңіз болмайды" деді. Не болды деп едім, Мөлдір ұстамасы ұстап, құлап қалды" деді", - дейді марқұм Мөлдірдің апасы Гүлбахар Далдабайқызы. 

Он жастағы қыздың отбасы ақша мен көмектен бас тартып отыр. Олардың айтуынша, кінәлілер жазаланса болғаны.