Bugin
Авторларды қолдау орталығы
mediabugin@gmail.comФото: Қашқан жазасын өтеуші. patriotkaragandy
Қарағанды облысындағы түрмеден бостандыққа жуырда шығатын тұтқын қашып кеткен. Бұл туралы Bugin.kz тілшісі patriotkaragandy парақшасына сілтеме жасап хабарлайды.
Қашып кеткен тұтқын небәрі 3 айдан кейін бостандыққа шығуы керек еді. Бірақ ол жаза мерзімінің аяқталуын күтпей, қашып кеткен.
"Патриот" басылымы:
"Аты-жөні – Ошанаев Жандос, 1992 жылы дүниеге келген. Қылмыстық кодекстің 190-бабының 3-бөлігінің 1, 2, 3-тармақтары бойынша аса ірі көлемде алаяқтық жасағаны үшін жазасын өтеген. Тіркелу жері – Қарағанды қаласы. Туыстары Теміртауда тұрады.
Бойы - 175 сантиметр. Салмағы – 73 келі. Орта денелі, шашы – қара қоңыр.
Сол жақ білегінде 4,5 сантиметр күйік тыртығы бар. Оң қолының ортаңғы саусағында "сақина" дизайны түріндегі татуировкасы бар",-деп жазды.
Сотталушының суретімен іздеу жарияланды. Полиция қызметкерлері қашқан тұтқынды көрген адамға хабар беруді өтінеді.