Демалыс күндері елімізде ауа райы қандай болады?

Демалыс күндері елімізде +42°С-қа дейін ыстық болады, - деп хабарлайды Bugin.kz порталы. 

Синоптиктердің мәліметінше, елдің басым бөлігінде алдағы екі күнде күн жылынып, ауа температурасы +35+42°С-қа дейін көтеріледі.

"Маусымның 8-10 күндері елде Мәскеу аумағынан келетін циклонның ықпалымен күн райы құбылмалы болады. Тағы бір аймақтарда өткінші жаңбыр жауады. Елдің солтүстік-батысы мен солтүстігінің кей жерлерінде нөсер жаңбыр жауады, күн күркіреп, жел күшейеді, күндіз бұршақ жаууы ықтимал", - делінген хабарламада.

Соған қарамастан Жерорта теңізі аумағынан жылы ауа келіп, көптеген өңірлерде ауа температурасы +27+35°С-қа дейін, оңтүстік өңірлерде +35+42°С-қа дейін ысиды деп болжануда.