Белгілі ақын өмірден озды

Белгілі ақын, журналист, Қазақстан Жазушылар одағының Басқарма мүшесі, халықаралық "Алаш" әдеби сыйлығының лауреаты Мылтықбай Ерімбетов өмірден озды, - деп хабарлайды Bugin.kz порталы.

Қаралы хабарды ақын Қасымхан Бегманов жеткізді. Ақын 68 жасында қаза болды.

"Ақынды ұлы Ерболат Мылтықбайұлы жақындарымен бірге бірнеше көлікпен туған жері Жетісайға алып кетті. Ертең сағат:11:00-де Жетісай ауданының  "Телман" ауылындағы ата - анасының қарашаңырағында ақынның жаназасы өтетін болды. ... Мылтықбай Ерімбетов кезінде "Никарагуа, Никарагуа", "Сенің жазған хаттарың-ай, хаттарың" деп жырлаған талантты ақын еді", - деп жазды ақын.

Мылтықбай Ерімбетов "Балқаймақ", "Отырар төбе", "Айналайын анашым", "Бастау" кітаптарының авторы.