Ұйықтап жатқанда қай ағзаның болашақты болжай алатыны белгілі болды

Ми демалу кезінде де алдағы мәселелерді шешуге тырысады, - деп хабарлайды Bugin.kz порталы Лайфхакер сайтына сілтеме жасап.

Ұйқы кезінде мидың жад орталығында жұмыс істейтін нейрондар өткен тәжірибелерді ғана еске түсіріп қоймайды. Олар әлі жасамаған әрекеттерді орындауға тырысуы мүмкін.

Мичиган университетінің ғалымдар тобы егеуқұйрықтардың ояу және ұйқы кезіндегі ми толқындарын тексерді. Көрсеткіштер тізбегі егеуқұйрықтардың лабиринттен өткенге дейін және өткеннен кейінгі уақытын көрсетті.

Ғалымдар машиналық оқыту технологиясын қолдана отырып, егеуқұйрықтың миында салынған үлгілер мен байланыстарды анықтады. Ұйықтап жатқан егеуқұйрықтың миы лабиринттегі бұрыннан көрген жерлер туралы ақпаратты өңдеп қана қоймай, сонымен бірге ықтимал жаңа бағыттарды да бағалағаны белгілі болды.