Bugin
Фото: depositphotos.com
Атырауда 12 маусымда жол апатынан 2 адам қаза тапты. Бұл туралы Bugin.kz тілшісі Атырау облысы Полиция департаментінің баспасөз қызметін сілтеме жасап хабарлайды.
Ведомство хабарламасында жол апаты сағат 14.50-де болғаны айтылған. Қос көлік Атырау-Ақтөбе тас жолының 454-шақырымы тұсында соғылған. Жол апаты туралы:
"Жол апатына ұшыраған көліктің бірі – Kia Rio, екіншісі – DAF жүк көлігі. Жол-көлік оқиғасының салдарынан Kia Rio автокөлігінің екі жолаушысы оқиға орнында қаза тапты", - деп хабарлады.
"Халық үні" сайтының мәліметінше, аталған жол апатынан ерлі-зайыпты көз жұмған.
Полиция департаментінің баспасөз қызметі:
"Мұндай жол-көлік оқиғасының басты себебі арнайы ережені сақтамаудан туындайды. Аталған жол-көлік оқиғасы туралы айтатын болсақ, Kia Rio автокөлігінің жүргізушісі соңғы 1 жыл ішінде 4 рет жылдамдықты асырып, жол ережесін бұзғаны анықталды. Осындай себепке байланысты көлік жүргізушілерінен жол ережесін қатаң сақтауды сұраймыз", - деп мәлім етті.
Балерке ӘСІЛХАН
Қосымшаны жүктеп алыңыз
