ҰБТ-2024: Грантқа шекті балл қандай?

Биылғы мектеп түлектеріне грант конкурсына қатысу үшін қажетті жоғары оқу орындарының шекті балдары туралы ақпарат жарияланды. Бұл туралы Bugin.kz тілшісі Ұлттық тестілеу орталығына сілтеме жасап хабарлайды. 

Қай жоғары оқу орнына қандай ұпаймен грантқа түсуге болатынын мына сілтеме арқылы көре аласыздар.

Ведомство хабарламасында:

"Мысалы, "Математика мұғалімдерін даярлау" мамандығы бойынша грантқа Академик Е.А. Бөкетов атындағы Қарағанды университетіне түсу үшін кемінде 77 балл жинау керек болса, Л.Н.Гумилев атындағы ЕҰУ-не 110 балл, SDU University-не 120 балл қажет",-деп жазылған.

ҰБТ қорытындысы бойынша талапкерлердің 75%-ы  шекті балл жинады; орташа балл – 68 балл; ең жоғары балл – 138 балл болған. Ереже бұзғаны үшін 207 адамның нәтижелері жойылды.