Енді Қазақстанда қандай көліктердің қозғалысына шектеу қойылмақ?

Автомобиль жолдары комитеті жолдарда көлік құралдарының қозғалысын тоқтату немесе уақытша шектеу қағидаларына түзетулер дайындады. Бұл туралы Bugin.kz тілшісі Zakon.kz сайтына сілтеме жасап хабарлайды.

Ведомство енгізген қосымшада: 

"Жазғы кезеңде күндізгі және кешкі уақытта жол қозғалысын ұйымдастыру кезінде 1-қосымшада көрсетілген уақытша қозғалыс шектеулерінің жыл сайынғы әрекет ету мерзімдеріне сәйкес 8 тоннадан астам жүк тиеген көлік құралдарының қозғалысына шектеу енгізіледі", - делінген.

Осы қосымшаға сәйкес, биыл 1 маусымы мен 15 тамызы аралығында сағат 11:00-ден 21:00-ге дейін ауа температурасы 25°С-тан жоғары болған жағдайда: Абай ауданы, Ақмола облысы, Ақтөбе облысы, Шығыс Қазақстан облысы, Батыс Қазақстан облысы, Қарағанды ​​облысы, Қостанай облысы, Павлодар облысы, Солтүстік Қазақстан облысында шектеулер енгізіледі.

Сондай-ақ, тиісті жылдың 1 маусымы мен 31 тамызы аралығында сағат 10:00-ден 22:00-ге дейін ауа температурасы 25°С-тан жоғары болған жағдайда: Алматы облысы; Атырау облысы; Жамбыл облысы; Жетісу облысы; Қызылорда облысы;  Маңғыстау облысы;  Түркістан облысы;  Ұлытау облысында шектеулер енгізіледі.

Жазда күндізгі уақытта шектеулер ма көліктерге қолданылмайды:

- халықаралық шарттарға сәйкес жүктер мен жолаушыларды халықаралық тасымалдауды жүзеге асыру;
- төтенше жағдайлардың алдын алу және жою жөніндегі іс-шараларды жүргізу;
- тез бұзылатын тамақ өнімдерін тасымалдау;
- жолаушылар мен багажды тасымалдау;
- қауіпті жүктерді тасымалдау;
- қайта құру жұмыстарын жүргізу үшін мердігерлерге берілген аумақтарда жол құрылыс жұмыстарын жүргізу;
- қарулы күштер, басқа да әскерлер мен әскери құралымдар, сондай-ақ әскери тасымалдауды жүзеге асыратындар.

Көктемде қозғалысты ұйымдастыру кезінде бір осьтік жүктемесі 8 тоннадан асатын көліктердің қозғалысына шектеулер енгізіледі.