Мұрат Әуезов қаза болды

Мемлекет және қоғам қайраткері, дипломат, мәдениеттанушы ғалым, қаламгер Мұрат Әуезов қаза болды, - деп хабарлайды Bugin.kz порталы.

Мұрат Мұхтарұлы 81 жасында дүниеден озды. 

Ол 1943 жылы қаңтар айының 1 жұлдызында Жамбыл облысының Меркі кентінде дүниеге келген.

Қаралы хабарды ғалым Мамай Ахетов Facebook парақшасында жазды.

“Алтынның сынығы да - алтын... Ұлының тұяғы, асылдың сынығы, қазақ мәдениетінің шырақшысы Мұрат Мұхтарұлы да бетін келмеске қарай бұрыпты. Қош, абзал аға, ақылды ұстаз! Алдыңнан жарылқасын!”, - деп жазды ол.

Ғалым М.В. Ломоносов атындағы Мәскеу мемлекеттік университетінің Шығыс тілдері институтын "Қытай филологиясы" мамандығы бойынша бітірген. КСРО Ғылым Академиясының Әлем әдебиеті институтында әдебиет теориясы бойынша филология ғылымдарының кандидаты дәрежесі үшін диссертация қорғады. Қазақстан Журналистика Академиясының толық мүшесі.