Астрономдар ғарыштан белгісіз дыбыс естіді

Ғарыш әртүрлі радиосигналдарға толы. Бірақ олардың кейбіреулері өзгешелікке ие болғандықтан, ғалымдардың ерекше назарын аударады. Ғарыштағы қызықты құбылыстарды іздеу үшін австралиялық ASKAP радио обсерваториясы ашылды, - деп хабарлайды Bugin.kz порталы Лайфхакер сайтына сілтеме жасап. 

Ғалымдар байқаған радиосигнал ресми түрде J1935+2148 деп белгіленген. Сигнал 53,8 минут сайын қайталанады. Сонымен қатар оның үш түрлі режимі бар. Кейде сигнал өте айқын болады және 10-нан 50 секундқа дейін созылады. Басқа режимде импульстар айналмалы поляризацияға байланысты әлдеқайда әлсіз болады. Олар  тек 370 миллисекундқа созылады. Үшінші режимде сигнал басқаларынан ажыратылмайды.

Осы күйдің өзгеруі радиосигналды ерекше етеді. Бұл режимдерді анықтайтын қосымша зерттеулер Оңтүстік Африкадағы MeerKAT радиотелескопы арқылы жүргізілді.