“Алладан өлім тілеймін”: қарттар үйіндегі кейуана жан сырын ақтарды

Qazaq Airan YouTube арнасында қарттар үйіндегі қариялар жанайқайын айтты, - деп хабарлайды Bugin.kz порталы.

Қүлбаран Шәкенова 8 жылдан бері қарттар үйін паналап келеді. 87 жастағы кейуана ұлын мүлдем сағынбайтынын айтты. 

"Сағынбаймын ұлымды. Реніш бар ғой енді. Жылап жүріп баққан балам ғой. Елдің бәрі айтты ғой. "Жылап жүріп бақты ғой сені шешең" деп. Осы келгенінде айттым "кешірдім сені, өміріңді сүріп жүре бер" деп. Алладан енді өлім тілеймін",- дейді Қүлбаран Шәкенова.

Кейуана қарттар үйінде түрлі тағдыр иелерін көріп жүргенін айтты.