Қазақстан мен Қытай Маңғыстау облысында электр станциясын салады

Қазақстан мен Қытай Маңғыстау облысында электр станциясын салады, - деп хабарлайды Bugin.kz порталы Қазақстан ұлттық арнасына сілтеме жасап. 

Бұл өңірдегі жарық тапшылығын шешуге сеп болмақ. Себебі соңғы уақытта электр жарығының жиі өшіп, маңғыстаулықтарды әбігерге салғаны ел есінде.

Қазақстан-Қытай кеңесінде жалпы құны 3,7 млрд доллардың 40-тан астам құжатына қол қойылды. Оның ішінде "Самұрық-Қазына" компаниялар тобы қытайлық серіктестермен 15 құжатты бекітті.