Газдалған анар сусынын сатуға тыйым салынды

Қырғызстан "Золотая жизнь" газдалған анар сусынын балалар үшін зиян деп тапты, - деп хабарлайды Bugin.kz порталы kg_media_news инстаграм парақшасына сілтеме жасап.

Қырғызстанның Ош қаласында бұл сусын дүкендерден, сауда орындарынан тәркіленді.

Қырғызстанның денсаулық сақтау министрлігі жанындағы аурулардың алдын алу және мемлекеттік санитарлық-эпидемиологиялық қадағалау департаментінің бұйрығына сусын талаптарға сай келмейді екен. Себебі сусынның құрамында балалардың белсенділігі мен зейініне теріс әсер ететін азорубин E 122 бояғышы бар.

Сауда желілердің басшыларына осы өнімдерді сатуға тыйым салу туралы бұйрық берілген.