Семей қаласын су басты

Семей қаласында бір айлық жауын-шашын мөлшері жауып, су басты, деп хабарлайды Bugin.kz порталы.

Семейде қолайсыз ауа райының салдарынан көптеген қала көшелерінде көлік кептелісі пайда болып, жел кейбір ғимараттардың шатырларын ұшырып әкетті.

Салдарынан бірнеше аудан жарықсыз қалды. Әкімдік қала көшелеріндегі судың тазартылып жатқанын айтты.

"Қазіргі уақытта суды тазартуға 14 бірлік вакуумдық ассенизатор, 8 бірлік жылжымалы мотопомпа және 8 бірлік цистерналары бар автомашиналар жұмылдырылған. Қазіргі таңда 7 мың текше метрден астам су сорылды.

Айта кету керек, коммуналдық қызметтер тек айналма жолдарда ғана емес, сонымен қатар қаланың басқа бөліктерінде де (Қарағайлы ауданы, Шығыс кенті, Қабанбай батыр көшесі, Селевина көшесі, т.б.) су тазалау жұмыстарын үздіксіз жалғастыруда", - деп жазды қала әкімдігінен.