Алматы облысының бір ауданында төтенше жағдай жарияланды

Алматы облысының Талғар ауданында төтенше жағдай жарияланды, - деп хабарлайды Bugin.kz порталы "Ашық НҚА" порталына сілтеме жасап.

Алматы облысы Талғар ауданының аумағында табиғи сипаттағы төтенше жағдайды жариялау туралы шешімнің жобасы жарияланды.

"Қоғамдық талқылаулар бүгін, 9 шілдеде аяқталды. Бұған қоса Талғар ауданы тұрғындарының қауіпсіздігін қамтамасыз ету мақсатында аудан басшысы Іле-Алатау мемлекеттік ұлттық табиғи паркі аумағына баруды уақытша шектеу туралы шешім қабылдады", - делінген құжатта. 

Мұндай шешім Талғар өзенінің сол жақ бассейнінде орналасқан мұздық пен көлдің жағдайына мониторинг жүргізуге байланысты қабылданды. Бұл шара Талғар, Кеңдала, Ақтас елді мекендері тұрғындарының қауіпсіздігін қамтамасыз етеді.