Топан судан 2 млн адам зардап шекті

Бангладештің солтүстік аймақтарында топан судың ортасында 2 миллиондай адам қалып қойды, - деп хабарлайды Bugin.kz порталы Қазақстан ұлттық  арнасына сілтеме жасап. 

Тасқыннан көпірлер мен дамбалар қирап, жолдар мен егістік алқаптарын су шайып кеткен. Апатқа байланысты Джамалпур, Куриграм қалаларында мектептер жабылып, емтихандар тоқтатылды. Дегенмен, қаза тапқандар туралы мәлімет түскен жоқ. Бірақ, мыңдаған адам қауіпсіз жерге көшірілген. Жергілікті синоптиктердің хабарлауынша, алдағы бес күнде елдің орталық және оңтүстік провинцияларында да жаңбыр құю мүмкін.