Айыбын мойындады: Келіншек ер адамды өлтіріп қойған

Павлолар полицейлері ауыр қылмыс жасаған келіншекті тапты, - деп хабарлайды Bugin.kz порталы Polisia.kz сайтына сілтеме жасап.

Ведомство мәліметінше, полицейлер полиграф құрылғысы арқылы ауыр қылмысты ашқан. 

"Бүгінгі таңда қылмыстың ең ауыр түрлерін тергеу кезінде полиграфологтар бұл зерттеудің тиімділігін атап көрсетеді. Ол адамның психофизиологиялық реакциясы оған әртүрлі ынталандыруларға ұшыраған кезде нақты талданады, әдеттегі жағдайлардан басқа, сот-медициналық мамандар арнайы жабдықтың көмегімен бірнеше секунд ішінде адамның есте сақтау қабілетін және көңіл-күйдің өзгеруін мұқият зерттей алады. Жедел-криминалистикалық басқармада 2019 жылдан бастап ауыр және аса ауыр қылмыстар бойынша психофизиологиялық зерттеулер жүргізу үшін “AQIQAT” кәсіби компьютерлік полиграф жабдығы жұмыс істейді", - делінген хабарламада.

Облыс ауылдарының бірінен ер адамның мәйіті табылған. Ер адамның өліміне әкеп соқтырған денсаулыққа қасақана ауыр зиян келтіру фактісі бойынша қылмыстық іс қозғалды. Тергеу барысында жедел уәкілдер күдіктіні анықтап, онымен психофизиологиялық зерттеу жүргізген. Зерттеу барысында алынған жауаптарға полиграф оның өтірік айтқанын көрсетті. Тестілеуден кейін күдікті жасалған ауыр қылмысты мойындады. Қазіргі уақытта қылмыскер әйел сотталған.