Елімізде бірнеше аймақта сағаттың қайта артқа жылжитыны рас па?

"Уақытты қайтару" петициясын қарау жөніндегі жұмыс тобының өтініші бойынша IANT халықаралық альянсының ғалымдары жауап берді, - деп хабарлайды Bugin.kz порталы Сауда министрлігіне сілтеме жасап.

IANT үндеуінің мәтінін жұмыс тобының мүшесі Болат Нұрғожаев петицияның талқылауында оқыды.

"IANT Қазақстан Республикасы үкіметінің шығыс облыстарын UTC+5 белдеулік уақытына қайтару туралы шешімін қолдайды. Бұл 12:00-де күн ортасы келетін уақыт белдеуі. UTC+5 Қазақстанның ірі шығыс облыстарының бойлықтарына сәйкес келеді және халық үшін ең денсаулыққа қолайлы таңдау болып саналады", - делінген мәлімдемеде.

Мамандар уақыттың денсаулыққа әсері туралы баяндады.

"Көптеген зерттеулер тұрақты "жазғы уақытты" (pDST) қолдану әлеуметтік уақыт белдеулерінің ауысуына (SJL) әкелетінін, бұл депрессия, қатерлі ісік, қант диабеті, семіздік, жүрек-тамыр аурулары, жол-көлік оқиғалары және өндірістегі жазатайым оқиғалар қаупін айтарлықтай арттыратынын көрсетеді", - дейді олар.