Зорлап, өлтірген: Жетісу облысында 20 жастағы бойжеткеннің денесі табылды

Жетісу облысы Балпық би ауылында 14 шілдеде жоғалып кеткен 20 жастағы бойжеткеннің денесі табылды, - деп хабарлайды Bugin.kz порталы Жетісу облысы полиция департаментіне сілтеме жасап. 

Алдын ала мәлімет бойынша, қызды зорлап, кейін өлтірген күдікті ұсталды.

 "Адам өлтіру және жыныстық қолсұғушылыққа қарсы қылмыс жасады деген күдікті ұсталып, уақытша ұстау изоляторына қамалды. Қазір сотқа дейінгі тергеу амалдары жүргізіліп жатыр. Басқа деректер хабарлауға жатпайды", - делінген ресми хабарламада.

Ведомство істің полиция департаментінің бақылауында екенін хабарлады.