20 жастағы танымал футболист көз жұмды

Эквадорлық "Барселона" футбол клубының ойыншысы Джастин Корнехо 20 жасында көз жұмды, - деп хабарлайды Bugin.kz порталы Primicias сайтына сілтеме жасап.

Футболшы басынан соққы алған. Кейін есінен танып қалған. Ол  ауруханаға жеткізіліп, сол жерде көз жұмды. "Барселона" футбол клубы Джастин Корнехоның өліміне қатысты пікір білдірді.

"Ешқандай сөз біз дәл қазір сезініп жатқан ауыртпалықты емдей алмайды. Оның бәрімізге қалдырған естелігі бізге күш береді. Джастин, сен әрқашан біздің жүрегімізде боласың. Жатқан жерің жайлы болсын. Біз сені жақсы көреміз", - делінген хабарламада.

Қайғылы жағдайға қарамастан "Барселонаның" Оңтүстік Америка кубогындағы ойыны кейінге шегерілмеді.