Астанада командалық көкпар сайысы өтті

Астана қаласында командалық көкпар ойыны өтті, - деп хабарлайды Bugin.kz порталы.

Кеше, 21 шілде күні "Тұлпар" ат спорты клубында үздік көкпаршылар мен БАҚ өкілдері арасында тартысты сайыс өтті. 

Сайысқа 4 команда қатысты. Олар: "Спарта Астана", "Ынтымақ", "Бестөбе" және Астана қаласы әкімдігінің қолдауымен жиналған "Астана жастар құрамасы" командасы. Тартысты ойын нәтижесінде "Бестөбе" – 3-орын, "Астана жастар құрамасы" – 2-орын, "Спарта Астана" – 1-орынды иеленді. 

Сайысқа кәсіби және әуесқой көкпаршылардан бөлек медиа-жұлдыздар да қатысты. 

Сонымен қатар көрермендер арасында асық ату мен ләңгі тебу сайыстары өтті. Жеңіске жеткен көрерменге тазы ит сыйланды.

Іс-шара соңында көкпаршылар жас балаларды атқа мінгізіп, ұлттық спортты насихаттады.