Төрт жылға сотталған Байжанов қайда отыр?

Азаматтық некедегі әйелін өлтіргені үшін сотталған экс-министр Қуандық Бишімбаевтың туысы оның ісін жасырды деген айыппен төрт жылға сотталған. Бақытжан Байжанов әлі Астана қаласының тергеу изоляторында отырғаны белгілі болды,  деп хабарлады Bugin.kz порталы.

Байжановқа сот үкімімен орташа қауіпсіздік мекемесінде жазасын өтеу тағайындалған болып шықты.

"Қазіргі таңда ол Астана қаласының тергеу изоляторында. Сонымен қатар, қылмыстық-атқару кодексінің 88-бабына сәйкес сотталғандар тіркеуге сәйкес жазасын өтеу орындарына жіберіледі", - деп хабарлайды баспасөз қызметі.