Атырауда 27 жастағы жұмысшы белгісіз себеппен қаза болды

Кеше, 24 шілдеде жекеге тиесілі техникалық жөндеу орталықтарының бірінде 27 жастағы жұмысшы қаза болды, - деп хабарлайды Bugin.kz порталы Azattyq Rýhy-на сілтеме жасап.

Атырау облысы ПД мәліметінше, жұмысшының өлім фактісі бойынша қылмыстық іс тіркелген.

"Атырау қаласындағы мекемелердің бірінің жұмысшысының өлім фактісі бойынша қылмыстық іс тіркеліп, тергеу шаралары қолға алынды. Сот-медициналық сараптама тағайындалды", - деді Атырау облысы ПД баспасөз хатшысы Мейірім Ердәулет.

Полиция тергеу жүргізіліп жатқандықтан қайғылы оқиғаның мән-жайына қатысты толық ақпарат берген жоқ.