Тәжік молдасы: Интернет – ғасыр індеті, обасы

Тәжік молдасы Эшони Сироджиддин Абдурахмонов YouTube желісіндегі каналына 18 минуттық видео жүктеп, онда түрлі ой білдірген. Соның ішінде ол интернетті "ғасыр індеті, обасы" деп атаған. Ол сондай-ақ мемлекеттің интернет ақысын көтергенін қолдап отыр. "Өз уақыттарыңды босқа жібермеңдер" дейді молда. 

Тәжікстанның антимонополиялық қызметі 2019 жылдың 4 наурызынан бастап 1 мбқа 5 дирамнан төлеуді міндеттеген еді. Ал 18 сәуірден бастап 1 гигабайт интернет $6,3 доллар болды. Бұл бұрынғысынан 50 пайызға қымбат. 

Тәжік молдасы "интернет Тәжікстан үшін көптеген жамандықтар көзі болып табылады" деп санайды. Ол көзге шөп салу, зорлық-зомбылық, қақтығыстар мен патшаға қарсы шығу, бағынбаушылыққа әкелетін жамандық дейді. «Мен қарындастарым мен інілеріме айтарым, интернетте босқа уақыт жібермей, алтын уақытты бағалаңдар дегім келеді", - дейді Эшони Сироджиддин.