“Бұршақ, жаңбыр”: алдағы күндері ауа райы қандай болады?

Қазгидромет алдағы үш күнде ауа райы қандай болатыны туралы мәлімет жариялады, деп хабарлайды Bugin.kz порталы. 

Синоптиктер мәліметінше, еліміздің көп бөлігінде ауа райының тұрақсыз сипаты сақталады: найзағай ойнап, қатты жел соғып, жаңбыр мен бұршақ жауады.

"Қатты жаңбыр 13 тамызда солтүстік-батыста, солтүстікте, 14-16 тамызда батыста, солтүсті-батыста, солтүстікте күтіледі. Қазақстан бойынша жел күшейеді деп күтіліп отыр" делінген хабарландыруда.

Еліміздің оңтүстігі мен шығысында күндізгі уақытта +35+38°С қатты ыстық күтіледі, Қазақстанның қалған аумағында термометрлердің бағандары +18+26°С-тан +22+33°С-қа дейін ауытқиды.