Қазақ боксшысы әлемнің ең үздік бестігіне енді

Қазақстандық кәсіпқой боксшы Мейірім Нұрсұлтанов WBО тұжырымы бойынша әлемнің ең үздік 5 боксшысының қатарына кірді. Бұл туралы bugin.kz порталы Stan.kz ақпарат агенттігіне сілтеме жасап хабарлайды. 

WBC ұйымының жаңартылған рейтингінде 1-орында тұрған Мейірім Нұрсұлтанов WBО тұжырымының жаңартылған рейтингінде де үздік бестіктің қатарына қосылды. Геннадий Головкин мен Жәнібек Әлімханұлының салмағында сынға түсетін отандасымыздың алдында ұлыбританиялық Хамза Шираз бен Дензел Бентлиді және америкалық кіші Шейн Мозли тұр. Мейірім Кореяда өткізген жекпе-жегінде Казуто Такесаконы техникалық нокаутпен ұтып, WBO International белбеуін жеңіп алған еді.

Айта кетейік, Мейірім Нұрсұлтанов өнер көрсететін орта салмақта екі бірдей чемпиондық белбеу (IBF, WBO) Жәнібек Әлімханұлына тиеслі.