Биыл 1-сыныпқа баратындардың 70 пайызға жуығы қазақша білім алады

Биыл 350 мыңнан астам бала бірінші сыныпқа қабылданды, - деп хабарлайды Bugin.kz порталы. Бұл туралы Оқу-ағарту министрлігі мәлімдеді. 
 

Жаңа 2024-2025 оқу жылында 351 176 бала 1-сыныпқа қабылданды және оның 70 пайызға жуығы мемлекеттік тілде оқуға ниет білдірді, - деп хабарлайды Оқу-ағарту министрлігі.

Бірінші сыныпқа баратын оқушылардың ең көп саны Түркістан облысында (44 мыңнан астам), Алматы облысында (34 мың), Астана қаласында (26 мыңнан астам) тіркелген.

 2024-2025 оқу жылында 7 859 мектепте 3,9 миллионнан астам қазақстандық бала білім алады. Сонымен қатар, 11-сыныпта оқитындардың саны да рекордтық көрсеткішке жетті – 219 мыңнан астам бала.

 Жалпы жаңа оқу жылында 1-сыныпқа 369 мың бала қабылданады деп күтілуде.