Ақтауда қоқыстан спортшының денесі табылды

Ақтауда қоқыс контейнерінен аралас жекпе-жек спортшысының денесі табылды деп хабарлайды Bugin.kz порталы.

Lada.kz сайтының мәліметінше, спортшы Вусал Джафаровтың мәйіті 3-шағын ауданда қоқыс жәшіктерінен табылған. Дене пішіні бұзылған, толығымен ісінген және қарайып кеткен.

Полиция департаменті бұл ақпаратты растады. Мәйіт 20 қыркүйекте табылған

Ер адамның мәйітін табу фактісі бойынша сотқа дейінгі тергеу басталды. Сараптама тағайындалды. Тергеу жалғасуда. Тергеу мүддесі үшін басқа ақпарат жария етілмейді, - деп атап өтті ведомствода.

Әлеуметтік желі қолданушылары Вусал Джафаровты ұрып-соғып, ер адамның денесі бірнеше күн бойы көшеде жатқанын жазады.

Вусал Джафаров 1994 жылы 10 қаңтарда дүниеге келген. Кәсіби мансабын 2015 жылы бастаған. Ол төрт жекпе-жек өткізіп, оның біреуінде жеңіске жетіп, үшеуінде жеңілген.