Атырауда пәтерге қасақана өрт қойылып, әйел адам көз жұмды

Атырауда көпқабатты үйдегі пәтерде өрт болып, бір адам қаза тапты, деп хабарлайды Bugin.kz порталы.

Төтенше жағдай министрлігінің баспасөз қызметінің мәліметінше, Атырауда Алмагүл ықшамауданында алты қабатты тұрғын үйдің 1-қабатындағы пәтерде 74 шаршы метр алаңда өрт болған. Құтқарушылар өрт кезінде 67 адамды құтқарып, эвакуациялаған. Автосатымен және баспалдақ маршымен 13 адам, оның ішінде 6 бала құтқарылған және 54 адам, оның ішінде 30 бала эвакуацияланды.

"Өрт сөндірілді. Оқиға орнында 1954 жылы туған әйел адамның өлі денесі табылды. Сондай-ақ 1994 жылы туған ер жігіт күйік алып ауруханаға жатқызылды. Өрттің себебі - қасақана өртеу" делінген ТЖМ хабарламасында.