Алматыда ер адам өзін өртеп жіберді (ВИДЕО)

Алматыда ер адам өзін көлігімен қоса өртеп жіберді, деп хабарлайды Bugin.kz порталы. 

33 жастағы ер адам Түрксіб ауданындағы айыппұл тұрағының аумағында өзін өртеді. 

Патрульдік полиция заңға қайшы іс-әрекеттерден кейін жүргізушінің көлігін айыппұл тұрағына алып барған. 

"Мамандандырылған патрульдік полиция батальонының экипажы Subaru-ны тоқтатты. Автокөлік иесіне 1,3 миллион теңге айыппұл төленбеген. Оның міндетті сақтандыру полисі де болмады. Белгіленген ережелерге сәйкес, көлік құралы мамандандырылған айыппұл тұрағына қамалды, онда біраз уақыттан кейін жүргізуші оралды. Көлікте жүргенде ол көлігін және өзіне бензин құйып, өртеп жіберді", - деді Алматы қаласы ПД жергілікті полиция қызметі басқармасының бастығы Серік Шумаев.

Ер адамның жағдайы әлі белгісіз.