Көлік жүргізушісі жанында келе жатқан көлікке оқ жаудырды

Желіде көшенің ортасында жанында келе жатқан көлікке оқ жаудырған адамдардың видеосы тарады, деп хабарлайды Bugin.kz порталы. 

Полицияның мәліметінше, қоғамдық орында бұзақылық жасағандар қолға түскен. Оқиға Алматы көшелерінің бірінде болған.

"Бұзақылық фактісі бойынша қылмыстық іс қозғалып, күдікті ұсталып, полицияға жеткізілді", - деп хабарлады ведомство.

Жолдағы жанжалдың соңы оқ атумен аяқталған.

"Қару тәркіленіп, іс бойынша басқа да мән-жайлар анықталып жатыр", - деп хабарлады полиция.

Зардап шеккендер жоқ.