Талғарда дүкенде атыс болып, бір адам мерт болды

Талғардағы дүкендердің бірінде атыс болды, деп хабарлайды Bugin.kz порталы. 

Алматы облысы полиция департаментінің мәліметінше, Менделеев көшесінде төбелес болып, мылтық даусы шыққан. Тұрғындар оқ дауысын анық естіген.  Куәгерлер Менделеев көшесінде "қытай дүкенінде" шамамен сағат 02.30-да атыс болғанын растап отыр. 

4 қазанға қараған түні Талғар қаласында бір топ жас жігіттің арасында жанжал шығып, соңы төбелеске ұласқан. Жанжал салдарынан екі жігіт аудандық ауруханаға жеткізілген. Бірі алған жарақатынан жансақтау бөлімінде қайтыс болды. 

Полиция кісі өлтіру фактісі бойынша қылмыстық іс қозғады. Оқиғаға қатысушылардың бәрі ұсталып, уақытша ұстау изоляторына қамалды.