ТҮРКІСТАН ОБЛЫСЫНДА 170-КЕ ЖУЫҚ АУЫЛДЫҚ ЕЛДІ МЕКЕНДЕ ЖЫЛЖЫМАЛЫ МЕДИЦИНАЛЫҚ ПУНКТТЕР ЖҰМЫС ІСТЕП ТҰР

Бүгін бүкілхалықтық референдум күні Түркістан облысындағы 167 ауылдық елді мекенде жылжымалы медициналық пункттер жұмыс істеуде, деп хабарлайды Bugin.kz порталы Түркістан облысы әкімінің баспасөз қызметіне сілтеме жасап. 

Аталған медициналық бригадалар учаскелерге келген дауыс берушілердің денсаулығын бақылайды.
Айта кетсек, Түркістан облысында таңғы 07:00-ден бастап 17 аудан-қала бойынша 945 дауыс беру учаскесі өз жұмысын бастады. Бүгінгі таңда облыста 1 млн 180 мыңнан астам дауыс беруші бар. ҚР Орталық референдум комиссиясынан 13 республикалық қоғамдық бірлестік, Түркістан облыстық аумақтық референдум комиссиясынан 32 қоғамдық бірлестік аккредитациядан өткен. Барлық 945 учаскеде жалпы 6 433 байқаушы мен 20 мобильді капитан жұмыс істеуде.