Қаза болғандар бар: Жетісу облысында жол апаты болды

Жетісу облысында жеңіл көлік жүк көлігімен соқтығысты, деп хабарлайды Bugin.kz порталы. 

Жол апатынан үш адам қаза тапты. Қайғылы оқиға Көксу ауданындағы Алматы-Өскемен тасжолының 239-шақырымында болған. Toyota Camry және Камаз соқтығысты. Өңірлік полицияның мәліметінше, жеңіл көлік жүк көлігінің артынан соққан.

Апат салдарынан Toyota көлігінің жүргізушісі мен екі жолаушы оқиға орнында қаза болды. Тағы бір жолаушы аудандық ауруханаға жеткізілді.