Енді Атырау облысында өрт шықты

Төтенше жағдай министрлігінің әуе авиациясы мамандары Атырау облысындағы қамыс өртін сөндіріп жатыр, деп хабарлайды Bugin.kz порталы. 

ТЖМ мәліметінше, өрттің ауылдарға таралу қаупі жоқ. 

"7 қазанда ТЖД күштері мен құралдары облыс аумағында орын алған қамыс өртін сөндіруге жұмылдырылды. Әуеден аэровизуалды барлау жұмысы кезінде Құрманғазы ауданынан 43 км қашықтықта 5 га аумақта қамыстың бықсып жатқаны анықталды. Сонымен қатар Құрманғазы ауданынан 20 шақырым км жерде 3 га аумақта қамыстың жанып жатқаны анықталды", - делінген хабарда.

7 қазанда сағат 17:00-ден бері "Қазавиақұтқару" АҚ МИ-8 тікұшағының су төгу құрылғысы арқылы әуеден жану ошақтарына 30-дан астам тонна су төгілді.

Бүгін 8 қазанда қамыс өртін сөндіру жұмыстары жалғасып жатыр.