Денис Теннің ісі бойынша шыққан үкім өзгеріссіз қалды

Жоғарғы Сот алқасы Арман Құдайбергенов пен Нұралы Қиясовтың шағымдарына қатысты шешімді өзгеріссіз қалдырды, деп хабарлайды Bugin.kz порталы. 

Жоғарғы Сот алқасы тергеу немесе сот барысында өрескел заң бұзушылықтар немесе істі кассациялық қарауға негіз болатын басқа да себеп таппады. Сондықтан үкім өзгеріссіз қалды. 

Еске сала кетейік, қазақстандық жалғыз сырғанаушы Денис Тен 2018 жылдың 19 шілдесінде қайтыс болды. Оған көлігінің айнасын ұрлап кетпек болған кезде пышақ жарақатын салған. Сот үкімі бойынша Денис Тенге шабуыл жасаған екі адам 18 жылға бас бостандығынан айырылды.