5 баланы ажал құштырған өрттің алдын ала себебі белгілі болды

Қостанай облысы Жітіқара қаласындағы бес бала көз жұмған өрттің алдын ала себебі белгілі болды, деп хабарлайды Bugin.kz порталы.  

2024 жылғы 11 қазанда таңғы сағат 5:00 шамасында Жітіқара қаласының төтенше жағдайлар бөліміне Клубная көшесі, 52 мекенжайы бойынша жеке үйдің өртеніп жатқаны туралы хабарлама түскен. Облыстық прокуратура мәліметіне сүйенсек, өртті сөндіруге 19 адам және 5 техника жұмылдырылған. Өрттің шығуы пештің қараусыз қалуынан болуынан болған.

"Қазір сотқа дейінгі тергеп-тексеру басталды, өрттің алдын-ала себебі – пешті қараусыз қалдыру. Сотқа дейінгі тергеп-тексеру барысы Бас прокурордың бақылауына алынды", - делінген қадағалаушы орган таратқан хабарламада.

Еске салайық, бұған дейін Қостанай облысында 5 бала өрттен қайтыс болғанын хабарлаған едік.